O PP reparte condecoracións entre todo o goberno saínte do PSOE

Aínda resoan nos meus oídos algúns dos calificativos de Rajoy e compañía que lle brindaban ao goberno de Zapatero. Inútil, incapaz, iluminados, ... son algúns exemplos, e o que é sorprendente é que hoxe, no mesmo consello de ministros no que aprobaron unha serie de recortes, aprobaron concederlle tamén a todos os ministros do goberno saínte a “Gran Cruz de la Real y Distinguida Orden Española de Carlos III”, e o “Collar de la Orden de Isabel la Católica” a Zapatero e a Manuel Chaves.

Xa teño dito moitas veces que, PP e PSOE son as dúas caras dunha mesma moeda, e a liorta política de ambos é só aparencial, no fundo os dous enténdense ben, como sobradamente quedou demostrado, para mostra, estas condecoracións.

Os petiscos do PP antes da gran cea

Nas vésperas da cea de fin de ano, o Partido Popular xa nos serviu o aperitivo en forma de recortes e subida de impostos, entrante dos seguintes pratos que non serán do gosto da maioría da xente, malia que os resultados electorais do PP indiquen o contrario.

O PP recorta 8.900 millóns de euros con conxelación do soldo dos funcionarios, subida do IRPF, subida do IBI, limitación da axuda do aluguer para mozos e mozas, recorte nas subvencións a sindicatos e partidos políticos para coartar a disidencia social e afondar no estado anti-democrático de dereito, e amén recorta os investimentos, polo menos até que haxa uns novos orzamentos.

Estes recortes do PP é unha pinga máis que colmará o vaso da desigualdades sociais iniciadas polo PSOE, que alá por maio deste ano, recortou nada máis nin nada menos que 15.000 millóns de euros (soldo dos funcionarios, recorte nas pensión, investimento público, cheque-bebe, etc).

Amig@s, o Estado Español non é Grecia, pero vai camiño de selo, non hai máis que ver o que deu de si tanto recorte neste país mediterráneo.

Fauna ibérica

Imperdíbel todo o vídeo, no que sae a fauna facha "de toda la vida", e os seus cachorr@s.

Adaptándose ás circunstancias

Hai 40 anos o Juan Carlos de Borbón desfacíase en eloxios ao seu "mentor", o ditador Francisco Franco, e á ditadura. Sen embargo hoxe, dá leccións de democracia polo mundo adiante.

A realidade sempre supera á ficción

O goberno de Mariano

A cousa empeza mal. Cando un goberno ten nas súas filas a un ex-directivo de Lehman Brothers, que dirixirá o Ministerio de Economía, e outro que será Ministro de Defensa, que até onte traballaba nunha empresa de armamento, a cousa non poderá ir ben de ningunha das maneiras, xa que non defenderán os intereses xerais e si os particulares de determinados poderes fácticos. Hai precedentes abondo para afirmar isto que digo, só hai que ollar o goberno italiano, o grego, o da UE ou o dos Estados Unidos.

É un goberno tecnócrata, que non lle doerá o máis mínimo tomar decisións duras e impopulares para as que xa se haberá que ir preparando; e non teremos que agardar moito, xa que o día 30 levarán a cabo o primeiro consello de ministros onde xa se tomarán as primeiras medidas de “axuste”, como eles lles gusta dicir.

Por outra banda, e xa a nivel interno, teño a lixeira impresión que Mariano Rajoy non repartiu xogo entre as distintas familias do PP -alí tamén teñen familias- a maioría pertencen ao seu círculo de confianza e de amizade, onde se xoga todo a unha carta: se lle sae ben,”magnifique”, senón, mal asunto.

Por certo, o Ministro de Economía, Luís de Guindos, o que traballou para Lehman Brothers até que quebrou en 2008, ten un parecido razoábel con Domingo Cavallo, que fora Ministro de Economía no goberno arxentino de Carlos Menen. Isto non deixa de ser unha simple anécdota. E como curiosidade ollade o seguinte vídeo de Domingo Cavallo anunciando a paridade dólar-peso en 1991, e atent@s ao que quixo dicir e non dixo.

A cola da fame

Non é Grecia, é Lugo, e é xente que fai cola no banco de alimentos para poder comer, que sorprende por ser xente moi nova.

Hai uns días falábase sobre os mini-traballos para solucionar o paro da mocidade, pero non solucionarán a existencia destas colas, porque tal e como se reflicte na noticia, mini-traballos xa teñen.

O castelán con sangue entra

En 2012 o SERGAS estreará unha nova tarxeta sanitaria

Última hora: Fontes da Consellaría de Sanidade acaban de filtrarme o rascuño da que será a nova tarxeta sanitaria do Servizo Galego de Saúde que empezará a implantar en 2012. Con esta tarxeta teremos acceso a todos os servizos sanitarios do SERGAS, que poderemos financiar e pagar en cómodos prazos a negociar coa financeira, neste caso Visa Master Card.

As fontes da Consellaría defenden as bondades desta nova tarxeta sanitaria, xa que con ela, ademais dos servizos médicos, tamén poderemos comprar, obviamente, as medicinas, patacas da Limia, polos de Vilalba, e calquera outra cousa que se nos antolle. Por outra parte, coa chip que leva incorporado a tarxeta, non só temos a garantía de que as nosas transaccións comerciais estarán totalmente garantidas, senón que o chip levará incorporado todo o noso historial médico. “Unha morea de vantaxes”, sinalan as fontes da Consellaría de Sanidade da Xunta de Galiza.

P.D.: Obviamente isto é unha brincadeira. De todo os xeitos, ao paso que vamos, e se non o impedimos, acabaremos vendo algo semellante.

Parecidos razoábeis?

Así foi o Correlingua 2011 en Vigo.

E isto é o que segundo a estrema é o Correlingua.

Estes son os feitos, agora que cada quen saque as súas propias conclusións.

Adoutrinamento en contra do galego

Este é un pequeno fragmento do programa de PopularTV, La Bitácora de Magdalena del Amo, onde se acusa, utilizando mentiras e todo tipo de terxiversacións, aos equipos de normalización lingüística, e en concreto ao CorreLingua, de adoutrinar no terrorismo aos rapaces e rapazas galegos.

Evidentemente tamaña barbaridade non te pés nin cabeza, pero o que fan neste programa é adoutrinar en contra do noso idioma, en contra do galego, do que xa non nos vai valer nin se sequera o propio Valedor do Pobo, que hai uns días censuraba un libro de texto porque disque afirmaba que o galego é a lingua propia de Galiza. O Estatuto de Galiza tamén o que di; haberá que ver se o Valedor tamén considera que ese libro debe queimarse na fogueira como tantos outros libros “subversivos”.

Pinga a pinga, barbaridade tras barbaridade, a mensaxe non vos teñades dúbida de que está callando na xente pouco a pouco. Como non saíamos á rúa na defensa no defensa do noso idioma, outros sairán despois para prohibilo. Ao tempo!

Hai un socialista na sala!

Xenial vídeo de "Vaya semanita" da EtB