De burbulla en burbulla até o estoupido final

707.568.901.000.000 $. Este é o importe total de derivados financeiros que había rulando polo mundo adiante á altura de xuño deste ano. Tendo en conta que en decembro de 2010, era de 601 billóns de dólares, xa podedes botar contas do crecemento exponencial destas armas de destrución masiva da economía mundial, que hai agora mesmo.

Dá igual que a FED e o BCE inxecten cantidades indecentes de cartos no sistema financeiro, sempre queren máis, e cada mes que pasa todo será pouco para saciar a voracidade dos mercados.

Ningún globo se pode inchar indefinidamente, sempre acaba estourando. A burbulla dos derivados financeiros é igual, acabará rebentando, e cando o faga pobre de quen.

O País dos Pitufos

España, estado terceiromundista

“Se miran ao seu ao redor verán que o factor determinante do nivel de tipos de interese de mercado non é tanto o volume de débeda soberana emitida canto a capacidade de financiarse na propia moeda. Xapón está moito máis endebedado que Italia, pero finánciase sete veces máis barato. A situación fiscal do Reino Unido é peor que a española, pero mentres que paga o 2,2% polos seus bonos a 10 anos, a España os investidores esíxenlle o 6%.

O que sucedeu nestas dúas nacións é que, coa súa entrada no euro, viron reducida a súa condición á de estados terceiromundistas, capaces só de conseguir recursos nunha moeda que non é a súa, coa perda de flexibilidade que iso implica. Que quero dicir? Posto que os membros da Eurozona non poden imprimir billetes en caso de emerxencia, quedan suxeitos a problemas de financiamento inexistentes naqueles países que manteñen tal potestade. O resultado é dabondo coñecido. Estados Unidos, que pide prestado en dólares, non ten ese problema”.
Legends of the fail, de Paul Krugman (Premio Nóbel de Economía)

E un pequeno apuntamento:

Artigo 149 da Constitución Española:
O Estado ten competencia exclusiva sobre as siguintes materias
Sistema monetario: divisas, cambio e convertibilidade; bases da ordenación de crédito, banca e seguros.

Falando claro

Interesantísimo discurso deste señor nun mitin do Partido Popular en Catalunya (supoño!). Con este nivel, con esta elocuencia, con este discurso cheo de propostas claras, enténdese perfectamente que vaian arrasar o 20N.

Despois de ver o vídeo, si algo me quedou claro, é que o PP vai a facer algo. Iso seguro!

Un presentador explota contra o sistema bancario que "expolia" a EEUU

...e ao mundo enteiro, poderíamos engadir.

Agardemos que non cheguemos a isto...

Aínda que tal e como están as cousas, todo pode ser.

Teresa Moure: "A cultura galega arde..."

A particular “revolución” dos mercados

O que non conseguiu poboación, estano a conseguir os mercados. Berlusconi ten as horas contadas como primeiro ministro italiano, logo das fortes presións políticas, mediáticas, e, por suposto, económicas, que o poder financeiro está a acometer sobre “il cavaliere”.

Que ninguén se leve a engano, non estou defendendo a Berlusconi. Pero con el son xa dous os primeiros ministros da UE que teñen que dimitir polas presións dos mercados. Papamdreu foi o primeiro, Berlusconi o segundo, e non é que foran precisamente reticentes a aceptar os ditados do poder financeiro, pero vese que non son o suficientemente submisos como Zapatero ou como Rajoy, o futuro inquilino da Moncloa.

Os mercados, o poder financeiro, ten a súa folla de ruta perfectamente trazada para acadar a submisión total e absoluta dos pobos, que semella que tamén ceden ante este poder invisíbel.

O horror da guerra de Libia contada por unha muller

Jesús Quintero entrevista a Isabel Pisano, testigo do horror da guerra de Libia, un horror no que colaborou o Estado Español.




Fonte: Qmunty.com

Boicot Público

O xornal Público regala libros cos pensadores da esquerda; vende a prezo de saldo o cine máis cultureta; ten os articulistas máis progres do panorama mediático español; e saca algunha das portadas máis atrevidas e rompedoras dos xornais do estado. E sen embargo, con toda esta aura progre que se gasta, exclúe ao BNG do seu Twittómetro, seguimento da campaña a través do Twitter dos candidatos.

Chama a atención, que no citado Twittómetro haxa forzas extraparlamentares como o Foro de Álvarez Cascos ou Equo, e forzas políticas máis á dereita co pau da bandeira española como UpyD, e sen embargo, exclúe a unha forza parlamentar de dous deputados, e máis de 200.000 votos.

@s twitteir@s galeg@s non ficaremos calado ante esta grave censura da única forza política que nos defende nas cortes do Estado, non só como nación, senón como traballadores e traballadoras.

Así que, galegos e galegas, mentres o xornal Público non coloque ao Bloque no seu Twittómetro, propóñovos un #BoicotPublico nin merquedes ese xornal nin entredes na web.

Alfredo non te creo

Un resumo feito canción do que pensa moita xente sobre o PSOE


... pero hai alternativa! #euBNG

Os mercados non gustan da democracia

Grecia leva meses soportando draconianos recortes e imposicións dos tres xinetes do apocalipse (FMI, Comisión Europea e BCE), constantes manifestacións e folgas xerais. E agora, o goberno sumiso de Papandreu decide someter a consulta popular as reformas que debe implantar. A resposta dos mercados é de cor vermella das caídas en picado que sofren, e sucédense declaracións de repulsa como a de José Blanco, lamentando a decisión tomada.

Está claro, que o mercado non é democrático nin tolera a democracia. O mercado é fascista, só lle serve e mando, malia que se disfrace de demócrata.