Feliz ano 2011

Fraga dando leccións...

O vídeo que podedes ver a continuación é de abril deste ano, pero recoñezo que é a primeira vez que o vexo, e é a primeira vez que vexo intervir a Fraga no Senado. Primeiro intervén Xosé Manuel Pérez Bouza, defendendo que na cámara de representación territorial que é o Senado se poida falar en galego. Fraga, por alusións, replica coa súa retórica de sempre: a el ninguén lle dá leccións!

Non, non é unha inocentada

Un de cada catro alemáns...

Un de cada catro alemáns quixera voltar ao marco http://bit.ly/fwgcae e despedirse do Euro. En nós, cal sería o resultado da enquisa se no Estado Español se plantexara unha pregunta semellante?

Se hoxe fora o ano 0

Os raposos ao coidado das galiñas

Unha máis e xa perdemos a conta. A Xunta de Galiza acaba de sacar unha campaña chamada "Coida Galicia". Nesta en tres vídeos dan conta das excelencias da nosa terra en distintos puntos de interese turístico e ambiental do noso país: a Fervenza do Toxa, Combarro e Cariño. Este último, segundo se pode ver no título do vídeo chámanlle "Carino", unha nova aldraxe ao noso idioma por parte do Partido Popular, e por desgraza non será a última.

E por certo, preto, moi preto, da fervenza do Toxa pasa a vía do AVE, estragando completamente unha paisaxe única na nosa terra. Iso non sae no vídeo, claro!

Agora a polas pensións

A Comisión do Pacto de Toledo aprobou, cos votos en contra dos partidos de esquerda, entres eles o BNG, un rascuño cunhas propostas controvertidas a respecto das pensións. Acordaron, por unha banda ampliar os anos de cotización e pola outra retrasar os anos de xubilación. As consecuencias son claras: o estado pagará menos aos pensionistas.

De todos os xeitos haberá que agardar á proposta do goberno, xa que a propia portavoz do PSOE na Comisión non tiña moi claro que foi o que aprobaron, co cal a cousa aínda pode ser peor.

Pachi Vázquez, o "socialista"

Pachi Vázquez, Secretrario do PSOE galego, dicía onte nunha conferencia no Foro Nueva Economía, que “Hay que explicar que el Estado no puede con todo. Quizás se nos fue la mano".

Se chega a dicir que se lles foi a man coas privatizacións de AENA, co estado de alarma, ca privatización da Lotaría do Estado ou quitándolle os únicos ingresos que teñen os parados de longa duración, seguramente tería un pase, unha desculpa. Pero o que dixo este “socialista” é o estado do benestar é unha carga excesiva para o Estado, que non pode con todo. E quen di isto é un dirixente político que non hai moitas semanas encabezaba unha manifestación a prol da sanidade pública. Que medo dá cando o raposo está ao coidado das galiñas.

Outro exemplo máis de manipulación informativa sobre os controladores

O xornal "progre", Público, titula do seguinte xeito unha noticia na súa páxina web: "Un colectivo polémico con nóminas de 12.700 euros al mes". Sen embargo, logo de debullar a nómina durante o resto do artigo, (os pluses, o IRPF, etc), conclúe coa frase seguinte: "En todo caso, las nóminas citadas son parte de la élite porque abundan las de 5.000 euros al mes y un controlador nuevo cobra 2.600 euros netos mensuales". Ten algo que ver o titular con este parágrafo? non. Pois que cada quen saque as súas propias conclusións.

Por certo, se queredes máis manipulación, aderezada cunha sobredose de demagoxia, podedes ver a entrevista que lle fixeron a Cristina Antón no programa "La Noria" de Telecinco (parte 1 e parte 2). Tede un Almax a man.

E si fora o PP...

"A min paréceme unha cuestión de saúde democrática. Militarizar un colectivo civil, para min, que non teño formación en leis, é un atentado á democracia. Non teño ningunha dúbida de que se o Goberno fose do PP, isto non se consentiría porque os socialistas farían alarde de liberdade, de democracia, o que soen facer na oposición, e cando gobernan non o practican. É un exemplo máis do neoliberalismo que nos está a inundar por parte deste Goberno mal chamado socialista, dende o meu modo de ver."

Susana Romero en Xornal: “Somos a cortina de fume para privatizar AENA”

AENA pide voluntarios entre os controladores para cubrir quendas

Anda a circular por internet un pantallazo dun SMS que AENA enviou aos controladores pedindo “voluntarios” para cubrir unhas quendas. Tendo en conta o que ocorreu estes días, non sei eu se atopará moitos controladores voluntarios para cubrir eses baleiros, claro que sempre se pode botar man do exército e da garda civil.

Descubre como serán os billetes da lotaría do nadal de 2011

O PSOE privatiza a lotaría do Estado, e así serán os billetes do ano 2011

Capital privado para comprar países

O 29 de novembro, a Unión Europea aprobou un fondo de rescate permanente a partires de 2013. Até aí nada do outro mundo. O delicado do asunto é que permitirá a entrada de capital privado nese fondo de rescate para salvar da quebra aos países da eurozona.

Pode parecer conspiranoico ou de ciencia ficción, pero tecnicamente é posíbel que unha mega-corporación sexa a dona dun país enteiro.

Test de estrés da clase traballadora

Volvemos ao século XIX

O Real Decreto aprobado o venres, foi o detonante do caos aeronáutico.

De acuerdo con lo establecido en el artículo 5 del citado Real Decreto 1001/2010, la actividad aeronáutica anual no excederá de 1.670 horas, sin perjuicio de la posibilidad de ser incrementada con horas extraordinarias hasta un máximo de 80 horas anuales. En el cómputo de este límite anual de actividad aeronáutica no se tendrán en cuenta otras actividades laborales de carácter no aeronáutico, tales como imaginarias y periodos de formación no computables como actividad aeronáutica, permisos sindicales, licencias y ausencias por incapacidad laboral. Estas actividades, al no afectar a los límites de seguridad aeronáutica, se tomarán en consideración exclusivamente a afectos laborales de conformidad con lo establecido en la disposición adicional única del Real Decreto 1001/2010.

Volvemos ao século XIX. Se estás enfermo haberá que recuperar esa hora.

O estado de alarma é ilegal e inconstitucional

O PSOE decretou o estado de alarma para atallar unha situación excepcional que non está amparada pola lei. Vexamos porqué.

Os motivos polos que se pode estabelecer o estado de alarma descríbense no artigo 4 da Lei 4/1981, que di o seguinte:

O Goberno, en uso das facultades que lle outorga o  artigo 116.2 da Constitución poderá declarar o Estado de Alarma, en todo ou en parte do territorio nacional, cando se produza algunha das seguintes alteracións graves da normalidade:

A. Catástrofes, calamidades ou desgracias públicas, tales como terremotos, inundacións, incendios urbanos e forestais ou accidentes de grande magnitude.

B. Crises sanitarias, tales como epidemias e situacións de contaminación graves.

C. Paralización de servizos públicos esenciais para a comunidade, cando non se garante o disposto nos artículos 28.2 y 37.2 de la Constitución, e concorra algunha das demais circunstancias ou situacións contidas neste artigo.

C. Situacións de desabastecemento de produtos de primeira necesidade.

Exposto o artigo, o Goberno do PSOE só se podería acoller ao apartado C, xa que as outras 3 circunstancias non se dan, pero para decretar o estado de alarma aparándose neste artigo tería que darse ademais, algunha das outras circunstancias (apartados A, B e D), que evidentemente tampouco se dan. Polo tanto, o estado de alarma é ilegal, inconstitucional, pero a quen lle importa xa a Constitución española.

Así as cousas, os expedientes disciplinarios que hoxe anuncia o Ministro de Fomento moito me temo que quedarán en nada, mais o dano irreparábel á clase traballadora xa está dado, e terá consecuencias para o futuro.

A Cadena Ser ao máis puro estilo Intereconomía

Isto chámase demagoxia!!

A voz dun controlador

Déixovos a continuación unha entrevista que realiza Onda Cero a un controlador en xaneiro de 2010. Daquela xa avisaba dos problemas que se viñan enriba.


Por certo, déixovos tamén a táboa pola que se rixen os salarios dos controladores aéreos. É do ano 1999, e está en pesetas.

O PSOE establece o estado de alarma

Sen precedentes na democracia do Estado: o goberno central, nas mans dos progres do PSOE, estabelece o estado de alarma. Os controladores terán que traballar, obrigatoria e inescusabelmente.

Aquí hai unha clara imprevisión e deixación por parte do goberno central. Os controladores teñen un número de horas de traballo máximas ao ano (1.670, é dicir 37 horas á semana, horas extras incluídas). Este número de horas máximo está regulado no Lei 9/2010 (páxina 13).

Pero hai máis; nesta lei, nas disposición adicional terceira, indícase que que o Estado disporá dos plans de formación necesarios para dotar ao sistema do persoal requerido. Fomento non realizou estes plans, e os controladores xa avisaron en outubro, -a Fomento tamén- que estes plans non se estaban realizando.

Polo que se ve moitos deles xa chegaron a ese máximo de horas, e como Fomento non tiña controladores para substituír e completar os turnos, cambia ONTE as reglas de xogo con este colectivo. Por unha banda, ONTE, privatiza AENA, e por outra banda ONTE cambia o horario dos controladores aéreos aplicando o “Real Decreto 1001/2010, de 5 de agosto, por el que se establecen normas de seguridad aeronáutica en relación con los tiempos de actividad y los requisitos de descanso de los controladores civiles de tránsito aéreo”.

Isto en cristiano implica nas horas máximas de traballo (1.670) non poderán computar as baixas, as horas de formación, etc, é dicir, que se un traballador estivo de baixa unha semana, terá que traballar unha semana, GRATIS.

Esta medida do PSOE ten consecuencias moi graves para o futuro das reivindicacións laborais dos traballadores e traballadoras. A partires de agora todo conflito laboral, por moi lexítimo que este sexa, estará supeditado ao interese xeral, e para garantir isto sácase o exército e estabelécese o estado de alarma.

O PSOE saca o exército

Falan por aí que o PP é a dereita pura de dura, mais o que está a facer hoxe o PSOE supera estes adxetivos, máis aínda vindo dun partido que “presume” de ser de esquerdas. O PSOE saca o exército para controlar unha situación de folga, que vén despois de que o goberno central de Rodríguez Zapatero anuncie a privativación dos aeroportos de Madrid e Barcelona.

Ao meu entender non se trata de controlar unha situación caótica, trátase, en definitiva, de DOMAR a un colectivo de traballadores, especialmente reivindicativo, para que, unha vez no sector privado, non dean o máis mínimo chío, e vender AENA ao mellor postor.

Seguramente haberá moita xente cabreada pola situación, e podería analizarse quen ten a responsabilidade do caos que se viven en Barcelona e Madrid, é dicir, se o goberno ou os controladores, pero coido que sacar o exército ás rúas, é un toque de atención a todos e todas os traballadores, atrapados nos aeroportos citados anteriormente; perante calquera problema, calquera paro, calquera folga de calquera colectivo de traballadores, por moi xustificados que sexan os motivos destas protestas, o goberno saca o exército e soluciona o problema. Isto non é un estado democrático de dereito, isto é FASCISMO.

Hoxe son os controlodaores, pero mañá serán os mestres, os profesores, os médicos, os traballadores de Citröen, de Inditex, ...

As comparación son odiosas

O PSOE elimina a axuda de 426 euros aos parados de longa duración. En Alemaña, o Tribunal Constitucional ordena elevar a cantidade que perciben estes en 5 euros, pasando a 364 euros, ademais de pagarlle o aluguer e unha axuda extra en caso de ter fillos a cargo.

España non é Irlanda, claro que non. Este país, que terá que ser rescatado pola FMI e a UE, coa colaboración do estado español, o salario mínimo interprofesional era -digo era, porque van a baixalo- de 1.500 euros, no estado español é de 633 euros.

Aínda que Zapatero se empeñe en dicir que o estado español xoga na champions league da economía mundial, coido que non pasa de terceira rexional.

O PSOE tamén privatiza

O PSOE, que goberna (supoño) o goberno central acaba de anunciar a privatización dos aeroportos das lotarías do Estado.

Pero se estas medidas son lesivas para o interese colectivo, o PSOE elimina os 426 euros aos parados que xa non teñen dereito a subsidio de desemprego, co cal, miles de persoas quedarán sen ningún tipo de ingreso, e, dada a situación actual, sen ningunha perspectiva de conseguilo a curto prazo, e, no caso de conseguilo, as condicións laborais sería terceiro mundistas, “grazas” á reforma laboral aprobada tamén por eles.

O PSOE non é de esquerdas, é a dereita pura e dura, igual que o PP.