O problema está no centro

Se eu lle debo 100.000 euros ao banco, o problema é meu; en cambio, se lle debo 100.000 millóns de euros, o problema é do banco.

Este problema resume perfectamente o problema que sacode nos últimos meses á Unión Europea. Non hai nada casual; se estes días estamos vendo que desde Alemaña hai constantes rumores e editoriais anunciando o rescate do Estado Español; se hai uns días o Presidente do Deutsche Bank visitou a Moncloa para reunirse con Zapatero; se a meirande parte da débeda soberana española está en bancos alemáns e franceses, está claro quen ten un problema: Alemaña e Franza.

O problema está no centro, nos países que son centrais política e economicamente na UE, isto é, Franza e Alemaña, non nos periféricos. Así o afirma Vicenç Navarro nun dos seus excelentes artigos.