Tirón de orellas de Obama e ZP obedece

Disque Obama telefoneou a Zapatero para urxirlle as medidas de axuste necesarias para que España reduza o déficit público. A chamada non deixa de ser unha broma pesada vindo do maior debedor do mundo que é Estados Unidos, cunha débeda estratosférica, que se multiplicou por infinito nos últimos 30 anos. Segundo datos do FMI, a débeda ianqui supón o 45% da débeda soberana mundial, o que sen dúbida é a orixe dos males que azoutan ao mundo enteiro.

Un país como Estados Unidos que ten unha débeda de 13 billóns de dólares, non só é un perigo para a economía mundial, senón que non é quen de dar leccións a ninguén. Isto é o que lle debería dicir Zapatero, pero este limitarse a facerlle unha reverencia e “si, buana”, o que ti digas!