O galego debería estar na UVI

A famosa enquisa da Consellaría de Educación sobre o galego no ensino obrigatorio reflicte un panorama desolador, da que se pode vaticinar a desaparición do galego en escasos anos.

Na enquisa di que un 58,8% dos nenos e nenas galego teñen como lingua inicial o castelán. A esta cifra hai que engadirlle o 19,6% de nenos que teñen como lingua inicial o galego e o castelán. En resumidas contas, e tendo en conta a situación diglósica do galego fronte ao castelán, o 80% dos nenos e nenas de educación infantil teñen como lingua inicial o castelán. O 80 %, repito.

Isto para min é o máis relevante da enquisa do galego na educación. O resto de datos é a consecuencia lóxica dunha situación do galego dramática, que debería estar na UVI, e no canto diso o PP daralle a puntilla, e Feijoo pasará a historia como o exterminador do Galego se leva adiante o seu plan de liquidar o galego do ensino obrigatorio, para o que contará con colaboradores especiais, que viven, e moi ben, do galego.

A este paso, os galegos falantes acabaremos vivindo nunha reserva, como os indios.

A banca sempre gana

Os bancos, o sector financeiro, foron os culpábeis das sucesivas burbullas tecnolóxica e inmobiliaria. Durante estes períodos obtiveron millóns e millóns de euros en beneficios, e cando chegaron as vacas fracas, petaron na porta do Estado para que os sacara do apuro. Estos endebedáronse até as cellas, para sacar a flote o sector financeiro, e agora, cos tipos de xuro polo chan, os bancos mercan bonos de débeda pública, no canto de dar préstamos a empresas e familias, porque lles resulta máis rendíbel e máis seguro, dada a situación económica mundial. Nin que fora feito adrede!!!

Histeria tipo A

Andan os políticos e os medios machacando unha e outra vez co da Gripe A. Agora no estado español queren vacinar aos profesores. A histeria é tal que e no informativo da Galega recomendan evitar todo contacto físico entre os compañeiros de traballo. Eu sigo insistindo que hai enfermidades que segan a vida de máis persoas que a Gripe A, sen que se lle dea tanto bombo ao asunto, polo que resulta moi sospeitosa tanta insistencia no tema, sobre todo tendo en conta que esta variante da Gripe ten os mesmos efectos que a Normal, e non é máis mortal ca esta; mortes que se deben a outro tipo de doenzas, que en convinación ca Gripe A ou ca Normal teñen este fatal resultado.

Os dous de sempre, co mesmo conto de sempre (Versión extendida e actualizada)

Unha vez máis PP e PSOE se poñen de acordo para tomarlle o pelo aos galgeos. Desta volta, e como xa denunciara no vídeo anterior, co AVE. Malia que Zapatero se "comprometeu" con Touriño hai un ano a que o tren grande velocidade conectaría Madrid-Galiza en 2012, hoxe sabemos que non é así, e até 2015 nada. O malo é que co orzamento acordado entre Feijoo e Pepiño Blanco, o Ministro que non quería ser Ministro, non poderemos viaxar á Meseta en AVE até 2020, mínimo.

Pois si, hai crise

Que hai unha crise económica importante é un feito, e que o futuro próximo pinta aínda peor é algo que xa se nos anuncia nalgúns blogs que escreben á marxe dos ditados do poder. E como non podía ser doutro xeito, toda crise económica ven acompañada da súa “peste”, neste caso tócalle á Gripe A, e tamén hai todo tipo de teorías sobre o incerto futuro que lle espera a humanidade e ao planeta terra. Aí está por exemplo a teoría do 2012, que marca o fin do mundo tal e como o coñecemos hoxe o 21 de decembro de 2012, cando unha especie de cataclismo cósmico baterá no planeta con inusitada forza. Así Hollywood explota este filón e xa hai películas que, mesmo xa hai películas, que anuncian este final de varias maneiras: en “Sinais do Futuro”, de Alex Proyas, que xa se estreou hai uns meses, morreremos abrasados polo sol, e en “2012”, de Roland Emmerich, director catastrofista onde os haxa, fai unha revisión da arca de noé, ou iso é o que se pode apreciar no trailer.

Teorías á marxe, o certo é que vivimos neste planeta cunha sensación de seguridade que non ten ningún tipo de sentido. O planeta terra ao logo da súa historia sufriu cataclismos de todo tipo, que mudaron por completo as condicións climáticas coas repercusións que iso tivo para todos os seres vivos. Por que non pode ocorrer o mesmo en 2012 ou pasado mañá?. Tranquilos.... que non cunda o pánico, como dixo Benardo Tahoces, Director Xeral de Industria, Enerxía e Minas da Xunta de Galiza de Feijoo, para algo están os americanos e eles salvarán a toda a humanidade.

Gato encerrado

O PSOE e os grupos mediáticos “cercanos” a este partido político (ou é ao revés?) levan meses batendo no Partido Popular a conta do caso Gürtel, un caso que a min particularmente xa me ten aburrido, e non coñezo a ningunha persoa do meu entorno persoal que estea o máis mínimo interesado neste asunto. A ninguén!!.

É grave, sen dúbida, que Camps ou Rita Barberá reciban agasallos por adxudicar a determinadas empresas, que á súa vez, fan importantes aportes económicos ao PP. Pero máis grave aínda son as filtracións interesadas que se fan do sumario, que é segredo, por parte dos grupos mediáticos afíns ao PSOE, que, claro está, ditas publicación teñen unha clara intencionalidade política. Primeiro, socabando a moral do votantes do PP, cousa que non conseguiron, nin conseguirán, tendo en conta os últimos resultados electorais deste partido. E segundo, ten unha clara intención de distraer ao público con “trivialidades”, cando hai cuestións máis importantes que pasan, curiosamente desapercibidos polos medios, como por exemplo, a aprobación do Fondo de Reestructuración Ordenada Bancaria, que porá en mans dos banco preto de 90 mil millóns de euros para que estes fagan fusión entre eles, é dicir, para concentrar máis poder en menos mans; e mentres, o goberno socialista, fai este agasallo de cartos públicos aos bancos, ao cidadán de a pé, sóbelle os impostos indirectos, mentres elimina impostos directos que gravan ás grandes fortunas (Imposto sobre o Patriminio).

As filtracións do sumario son moi graves, máis aínda que o propio delito, porque parte dunha institución, a Xustiza, que debe velar polo cumprimento da lei, pero a presunción de inocencia dos imputados debe ser protexida até as últimas consecuencias.

Como dixen as filtracións teñen un interese político e polo tanto non son un capricho dun simple funcionario, aquí hai gato encerrado.

Obama Deception

Guantánamo segue aberto. A Patriot Act non foi derrogada, ao contrario, parece ser que se quere incrementar o control da cidadania americana através de internet. Para 2010 está prevista a retirada de Irak, mais as tropas non regresan aos cuarteis americanos, van camiño de Afganistán, así, como non quere a cousa, e levan alí bombardeando a ese pobre país desde 2001. A sombra da CIA e dos servizos segredos planea sobre Irán, na procura de instaurar un goberno “amigo” que serva en bandexa os importantes recursos petrolíferos que ten este país. Cartos e máis cartos para os bancos, incrementando o déficit público americano até límites estratosféricos, alimentando un esquema Ponzi de consecuencias impredecíbeis para economía mundial.

Está claro que a cidadanía americana tiña unha necesidade imperiosa de cambio; a era Bush foi nefasta e camiñaba hacia o desastre, algo que xa se palpaba desde a distancia en películas como “No Val de Elah”, de Paul Hagis, ou “Gran Torino”, de Clint Eastwood. Estados Unidos, e tamén o mundo, necesitaba un cambio, e non nos enganemos as grandes transnacionais tamén eran conscientes de que se querían completar a folla de ruta para que o goberno mundial fora unha realidade, e necesitaban un rostro amábel, distinto, carismático, atractivo,... e porque non, negro (“ma non troppo”).

A súa campaña recadou máis cartos que ninguén. Homes como Bill Gates ou Warren Buffet apoiárono publica e economicamente. E Wall Street e a Reserva Federal nomearon os seus Secretarios de Estados, á altura das súas necesidades, que dadas as circunstancias son moitas, porque o burato negro creado pola sector financeiro é tan grande que papará todo canto lle boten.

Déixovos este documental e que cada quen saque as súas propias conclusións. Á marxe de que sexa certo ou non o que se reflicte neste documental, Obama será xulgado polos seus actos e o que se veu até o momento non é para botar foguetes.

Nota: Cando lle dades ao Play para ver o vídeo, abre unha fiestra con publicidade, pechádea e voltade ao meu blog, e clicade novamente no Play, que, como veredes, agora está en verde.

Catro verdades sobre a Gripe A

A todo isto, o Ministerio de Sanidade comprou 37 millóns de doses.

De terceira rexional

Parece ser que Feijoo quere negociar o noso financiamento da man da comunidade de Castela-León, é dicir, que o PP equipara a Galiza cunha comunidade de 3ª rexional no canto de solicitar unha negociación de igual a igual co Estado, como fixo Catalunya.

Calquera día Feijoo anúncianos que a Xunta de Galiza convértese en delegación do Goberno de Madrid, cuxo idioma oficial será o castelán, obviamente, mais iso non será até que Rajoy sexa Presidente do Goberno Central. Ao tempo...

O metal no camiño