O xurado dos premios Príncipe de Asturias concédelle o ídem do deporte a Fernando Alonso, apostando por un valor en alza, xa que presumiblemente se proclamará campión do mundo de F1 nesta tempada, descartando a outr@s deportistas cunha maior traxectoria deportiva, como por exemplo Ángel Nieto, 12+1 campión do mundo de motociclismo.

Non teño absolutamente nada contra Fernando Alonso, que sempre se caracterizou pola prudencia ao falar das súas posibilidades no mundial de automovilismo, e mesmo parece que a el tamén o colleu de sorpresa este premio, máis este premio o único que denota e que España necesita unha icona que levante os sentimentos máis patrioteiros, e a falta dunha selección española de fútbol que represente á España cañí polo mundo adiante escolleron a este asturiano, malia a que até o de agora, non conseguira nada máis que gañar algunhas carreiras e ir primeiro no mundial da F1.

Coma sempre, a España Cañí pon o Carro diante dos bois.